Börn 6 - 18 ára

Þjónustan er sniðin að þörfum barns og fjölskyldu og tekur m.a. mið af aldri og sjónskerðingu. Lögð er áhersla á ráðgjöf, stuðning og samstarf við foreldra barnsins enda gegna þeir lykilhlutverki í umönnun og uppeldi. 

Ráðgjöfin felst í beinni íhlutun með barninu, samstarfi við foreldra og aðra sem að þjónustu við barnið og fjölskylduna koma.

Í þjónustunni felst meðal annars:

• fræðsla og stuðningur um sjónskerðingu og nýtingu sjónar
• ráðleggingar um aðferðir við ADL- og umferli
• aðstoð til nemenda og foreldra við útfærslu heimanáms
• stuðningur við samstarf við aðra þjónustuaðila, svo sem starfsfólk skóla
• virkni og samskipti við önnur börn
• aðstoð við pantanir á stækkuðu letri eða punktaletri til yndislesturs
• aðstoð við aðlögun á tómstundum
• mat á þörf fyrir lýsingu
• ráðgjöf um gagnleg hjálpartæki
• upplýsingar um þjónustu sem er í boði hjá Þjónustu- og þekkingarmiðstöðinni
• undirbúningur fyrir næsta skólastig