Námið

Þjónusta fyrir fólk í námi felst í því að sérfræðingur Miðstöðvarinnar leggur  í upphafi mat á stöðu nemandans m.t.t. aðgengis að námi og námsefni. Á grundvelli þessa mats er unnin þjónustuáætlun í samstarfi við nemandann og þá sem að þjónustunni koma. Meðal þeirrar þjónustu sem miðstöðin veitir nemendum er:

• athugun og mat á sjónnýtingu
• fræðsla á sjónskerðingu og sjónnýtingu til starfsfólks skólans og samnemenda í samráði við nemandann sjálfan.
• mat á hjálpatækjaþörf
• kennsla á hjálpartæki og -forrit í tölvum
• mat á hentugri leturstærð og leturgerð
• útvegun og milliganga námsgagna á aðgengilegu formi
• fræðsla og aðstoð til nemandans til að styrkja og efla félagsfærni
• aðstoð við glósutækni í samvinnu við námsráðgjafa
• fræðsla til starfsmanna skólans

Í flestum tilfellum vinnur sérfræðingur Miðstöðvarinnar náið með námsráðgjafa skólans.