Beint á efnisyfirlit síðunnar

Endurgreiðslur

Miðstöðin sér um endurgreiðslur ríkisins vegna gleraugnakaupa.

Öll börn eiga rétt á gleraugnaendurgreiðslum að 18 ára aldri:

  • Börn frá 0 - 3 ára eiga rétt á endurgreiðslum tvisvar á ári
  • Börn frá 4 - 8 ára eiga rétt á endurgreiðslum árlega
  • Börn frá 9 - 17 ára eiga rétt á endurgreiðslum annað hvert ár

Fullorðnir eiga frá 18 ára aldri rétt á endurgreiðslum vegna eftirfarandi:

  • Eru augasteinalausir (aphaki)
  • Þurfa á prismagleraugum að halda vegna tvísýni
  • Eru hánærsýnir (myopia gravis) ≥12,00
  • Eru háfjarsýnir (microphathalmia) ≥10,00
  • Eru með lausa augasteina (luxatio lentis)
  • Þurfa að breyta gleraugnastyrk umtalsvert, að mati sérgreinalæknis í augnlækningum, vegna augnsjúkdóma eða skurðaðgerða, svo sem keiluglæru (keratoconus), eftir hornhimnuígræðslu eða nethimnulossaðgerð

Til að sækja um endurgreiðslu vegna gleraugna þarf að fylla út umsóknareyðublaðið hér að neðan. Einnig er hægt að nálgast eyðublaðið hjá augnlæknum og í gleraugnaverslunum. Jafnframt er hægt að hringja í Miðstöðina og óska eftir eyðublaðinu í pósti. Með eyðublaðinu þarf að fylgja afrit af augnvottorði og kvittun frá gleraugnaverslun og þurfa gler og umgjarðir að vera aðskildar á kvittun.

Umsóknareyðublaði og kvittun er skilað til Miðstöðvarinnar í Hamrahlíð 17, 105 Reykjavík. Umslög með nafni og heimilisfangi Miðstöðvarinnar liggja frammi hjá augnlæknum og gleraugnaverslunum og má setja ófrímerkt í póst.

Umsókn um þátttöku ríkisins í kostnaði við gleraugu (word 53 kb)


Upphæð endurgreiðslu miðast við styrk glerja. Ekki er greitt í glerjum <  0.75

  • 0,75 - 4,0     3500 pr. gler
  • 4.25 - 6.0     4000 pr. gler
  • 6,25 - 8.0     5500 pr. gler
  • 8,25 - 10,0   6300 pr. gler
  • >10,0           7500 pr. gler

Sterk cylindergler (sjónskekkjugler)

  • Cyl. 2,25 - 4,00  Til viðbótar 500 kr. á hvert gler
  • Cyl. 4,25 - 6,00  Til viðbótar 1.000 kr. á hvert gler
  • Cyl. > 6,25        Til viðbótar 1.500 kr. á hvert gler