Þjónustu- og þekkingarmiðstöð fyrir blinda, sjónskerta og einstaklinga með samþætta sjón- og heyrnarskerðingu

Beint á efnisyfirlit síðunnar
18. september 2015

Leiðsöguhundarnir Zören og Oliver voru sallarólegir þegar þeir voru afhentir nýjum félögum við hátíðlega athöfn í sal blindrafélagsins í gær. Huld Magnúsdóttir, forstjóri Þjónustu- og þekkingarmiðstöðvar, afhenti þeim Lilju Sveinsdóttur og Svanhildi Önnu Sveinsdóttur hundana en Zören mun búa með Svanhildi á Akureyri og Oliver með Lilju í Reykjavík. Þeir bræður kipptu sér ekkert upp við umstangið og athyglina sem þeir fengu og stóðu sig með prýði bæði í myndatökum og sjónvarpsviðtölum.  

Fulltrúar Lions hreyfingarinnar á Íslandi afhentu við sama tilefni Blindrafélaginu afrakstur söfnunarinnar, Rauðu fjaðrarinnar, sem fram fór í vor en alls söfnuðust rúmlega fimmtán milljónir. Bergvin Oddson, formaður Blindrafélagsins, tók við ávísun frá fulltrúum Lions.

Þá var stofnuð sérstök leiðsöguhundadeild innan Blindrafélagsins og kosið í stjórn hennar.   

 

Til baka