Þjónustu- og þekkingarmiðstöð fyrir blinda, sjónskerta og einstaklinga með samþætta sjón- og heyrnarskerðingu

Beint á efnisyfirlit síðunnar
29. ágúst 2017

Námskeið í líkamsþjálfun


Líkt og undanfarin misseri þá stendur blindum og sjónskertum til boða regluleg hópþjálfun undir handleiðslu sjúkraþjálfara. Þjálfunin fer fram hjá Afli sjúkraþjálfun og er í samstarfi við Þjónustu- og þekkingarmiðstöð fyrir blinda, sjónskerta og daufblinda einstaklinga.

Í þjálfuninni er leitast við að bæta líkamlegan styrk og auka úthald þátttakenda.

Þátttakendur fylgja áætlun sem sniðin er að þörfum hvers og eins.

Í þjálfuninni er miðað að því að:

  • bæta grunnþol.
  • auka styrk.
  • auka liðleika.
  • bæta jafnvægi.
  • bæta líkamsstöðu og líkamsbeitingu.

Þeir sem koma í fyrsta sinn þurfa að mæta í skoðunar- og viðtalstíma áður en þjálfun hefst. Þeir sem hafa verið áður í þessum hópum geta hafið þjálfun án viðtalstíma. Námskeiðin standa yfir í 14 vikur.

Tímasetning:

Hópur 1: 12.september – 15. desember, þriðjudagar og föstudagar kl. 8:00 – 9:00

Hópur 2: 12. september – 15. desember, þriðjudagar og föstudagar kl. 9:00 – 10:00.

Sjúkraþjálfari: Ásdís Árnadóttir.

Staðsetning: Afl sjúkraþjálfun, Borgartúni 6 (Rúgbrauðsgerðin).

Hámarksfjöldi í hvern hóp er 5.

Lágmarksaldur: 18 ára.

Námskeiðsgjald: Sjúkratryggingar Íslands greiða hluta af gjaldi hvers þátttakanda, en þátttakendur greiða sjálfir 14.000 fyrir námskeiðið sem er 28 æfingatímar (hægt er að skipta greiðslum í 2-3 hluta). Nýjir þátttakendur greiða að auki fyrir einn skoðunartíma.

 

Skráning fer fram hjá Afli sjúkraþjálfun í síma 511 4111 eða afl@aflid.is

 

Til baka